5 வயது வரையிலான பிள்ளைகள் தசைகள் எலும்புகள் மற்றும் மூளையின் வளர்ச்சி என்பன தொடர்பில் விரைவான வளர்ச்சிக்கு உட்படுகின்றனர்.(எஸ்.அமரசேகர 2021) அவர்களின் உணவு மற்றும் ஊட்டச்சத்து தேவைப்பாடுகள் குழந்தைகள் பருவ வயதினர் மற்றும் பெரியவர்களில் இருந்து கணிசமான அளவில் வேறுபடுகின்றது. வளர்ச்சி மற்றும் அபிவிருத்தி செயல்பாடுகள் அதிகரித்தமை மற்றும் ஒப்பீட்டளவில் வயிற்றின் கொள்ளளவு சிறியதாக இருத்தல் காரணமாகவும் பாதிப்படைகின்றன. (எஸ்.அமரசேகர 2021). இதன் மூலம் கூறுவது குழந்தைகள் உட்கொள்ளும் சிறிய அளவிலான உணவு தொகுதிக்குள் பெரும் அளவில் வகைப்படுத்தப்பட்ட ஊட்டச்சத்துக்கள் உள்ளடக்கப்பட வேண்டும் என்பதே. (எஸ்.அமரசேகர 2021). இளம் வயதில் வரக் கூடிய பலவிதமான ஆரோக்கியம் மற்றும் வளர்ச்சிசார் பிரச்சினைகள் மற்றும் அவர்களுக்கு எதிர்காலத்தில் ஏற்படக் கூடிய உடற் பருமன் ,வளர்ச்சிக் குன்றுதல், இரும்புச் சத்து குறைபாடு ,குறிப்பிட்ட சில ஊட்டச்சத்து குறைபாடுகள் ,பல் பிரச்சினைகள் மற்றும் வளர்ச்சியில் தாமதம் போன்றவற்றை தடுப்பதற்கு சமவிகித உணவு மற்றும் உணவு தொடர்பில் சரியான அணுகு முறை என்பன முக்கிய அம்சங்களாக கருதப்படுகின்றன.
மேலும் ஒரு நாளில் போதுமான அளவு கலோரிகளை உட்கொள்வதோடு 1-5 வயதிற்குட்பட்ட பிள்ளைகள் தேவையான விற்றமின்களை பெற்றுக்கொள்ளகின்றனரா என்பதை உறுதிப்படுத்த பின்வரும் உணவு திட்ட குறிப்பு உட்கொள்ளலினை (DRIs)பூர்த்தி செய்திருக்க வேண்டும்.
உணவு திட்ட குறிப்பு உட்கொள்ளல்
முதல் 5 வருடங்களுக்குள் உங்கள் பிள்ளையின் ஆரோக்கியமான வளர்ச்சி மற்றும் மேம்படுத்தல் செயற்பாடுகளுக்கு அத்தியாவசிய விற்றிமின்களாக பின்வருவன கருதப்படுகின்றன.
| ஊட்டச்சத்து | DRI 1–3 வயதினருக்கு | DRI 4–8 வயதினருக்கு |
|---|---|---|
| விற்றமின் A | 300 mcg | 400 mcg |
| விற்றமின் B 12 | 0.9 mcg | 1.2 mcg |
| விற்றமின் C | 15 mg | 25 mg |
| விற்றமின் D | 600 IU (15 mcg) | 600 IU (15 mcg) |
சில நேரங்களில் மழலைகள் மற்றும் 5 வயது வரையிலான பிள்ளைகளுக்கு சமவிகித ஆரோக்கியமான உணவுகளான பழங்கள், மரக்கறிகள் ,தானியங்கள் பால் உற்பத்திகள் மற்றும் புரோட்டீன்கள் போன்றவற்றில் கூட இந்த விற்றமின்கள் குறிப்பாக விற்றமின் D போதுமான அளவு கிடைக்காமல் போகலாம். (எஸ்.அமரசேகர 2021).
விற்றமின் A
விற்றிமின் A ஆரோக்கியமான நோயெதிர்ப்பு செயற்பாடு, தொற்றுகளுக்கு எதிராக போராடுதல் மற்றும் குறைந்த வெளிச்சத்தில் நல்ல கண்பார்வையை பெறல் போன்றவற்றை பராமரிக்க முக்கிய பங்கினை வகிக்கின்றது.
சீஸ் ,முட்டை ,எண்ணெய்த்தன்மையான மீன் மற்றும் மஞ்சள் அல்லது ஒரேஞ் நிறம்சார் பழங்கள் மற்றும் மரக்கறிகள் (கரட், பப்பாளி ,தக்காளி மற்றும் அப்ரிகோட்) போன்றன விற்றிமின் A இற்கான சிறந்த உணவு ஆதாரங்களாக காணப்படுகின்றன.
விற்றமின் B12
விற்றமின் B12 ஆனது ஆரோக்கியமான இரத்த அணுக்கள் நரம்புகள் அத்தோடு வளரும் மூளையின் இயல்பான நரம்பியல் வளர்ச்சிக்கும் மேலும் DNA இன் உருவாக்கத்திற்கு உதவுவதோடு வளர்ச்சிதை மாற்றம் ,சக்தி ,ஆரோக்கியமான இதய செயல்பாடுகள் போன்றவற்றை பராமரிக்க முக்கியமானதொன்றாக செயற்படுகின்றது. விற்றமின் B 12 ஆனது இறைச்சி, பால் ,உற்பத்திகள் மற்றும் முட்டை தயாரிப்புக்கள் உள்ளடங்கலாக வகைப்படுத்தப்ட்ட விலங்குணவுகளில் காணப்படுகின்றன.
விற்றமின் C
விற்றமின் C சிகப்பு இரத்த அணுக்கள் ,எலும்புகள் மற்றும் திசுக்களை உருவாக்க மற்றும் சரி செய்ய உதவுகிறது. உங்கள் குழந்தைகளின் ஈறுகளை ஆரோக்கியமாக வைத்திருக்க உதவுவதோடு உங்கள் குழந்தையின் இரத்தக் குழாய்களை வலுப்படுத்துகின்றது.விழுவதினால் ஏற்படும் காயங்கள் மற்றும் சிராய்வுகளை குறைக்கின்றது. மேலும் விற்றமின் C வெட்டுக்கள் மற்றும் காயங்களை குணப்படுத்த உதவுகிறது. தொற்றுநோய்களை தடுக்கிறது. நோயெதிர்ப்புச் சக்தியை அதிகரிக்கின்றது. இது அழற்சிகளுக்கு எதிரான சிறந்த முகவராக செயற்படுகின்றது அத்தோடு ஓர் என்டிஒக்சிடன்ட் அதாவது உணவு மூலகங்களிலிருந்து இரும்புச்சத்தினை உடல் உறிஞ்சிக் கொளவதற்கு உதவுகிறது. (Leaf AAVitamins for babies and young children Archives of Disease in Childhood 2007;92:160-164).
ஸ்றோபெரி, கொய்யா, ஒரேஞ் ,கறி மிளகாய், பப்பாளி , திராட்சை மற்றும் கிவி பழம் என்பவற்றில் விற்றிமின் C இனை சிறந்த முறையில் பெற்றுக்கொள்ளலாம்.
விற்றமின் D
விற்றிமின் D ஆரோக்கியமான பற்கள் மற்றும் எலும்புகளுக்கு தேவைப்படுகின்றது. விற்றிமின் D பற்றாக்குறையானது, குழந்தைப் பருவத்திலேயே உறுதியின்மைக்கு வழிவகுக்கிறது. இளம் பிள்ளைகள் குறிப்பாக விற்றிமின் D பற்றாக்குறைக்கு ஆளாகின்றனர் .காரணம் என்னவெனில் அவர்களின் தொடர்ச்சியான வளர்ச்சி மற்றும் சில நேரங்களில் சூரிய ஒளியில் மட்டுப்படுத்தப்பட்ட வெளிப்பாடு என்பனவும் காரணமாக அமைகின்றன. சோம்பல், எரிச்சல், குறைவான வளர்ச்சி ,பற்கள் வளருவதற்கு தாமதம் வீங்கிய முட்டுக்கள், வளைந்த கால்கள் தசைப் பிடிப்பு மற்றும் வலிப்பு என்பன விற்றிமின் D பற்றாக்குறையின் அறிகுறிகளாக காணப்படுகின்றன. விற்றமின் D பிரதானமாக சருமத்தின் மீதான சூரிய ஒளியின் செயற்பாட்டிலிருந்து பெறப்படுகின்றது. 90% மற்றும் சிறிதளவு குழந்தையின் உணவில் இருந்து பெறப்படுகின்றது.(10% அளவில்) போதுமான அளவு விற்றிமின் D இனை பெறுவது மற்றும் பாதுகாப்பான முறையில் சூரிய ஒளிக்கு வெளிப்படுத்தல் என்னபன கடினமாக அமைவதால் விற்றமின் D பற்றாக்குறையினை நிவர்த்தி செய்ய நாளாந்த உணவு திட்டத்தில் உயர் விற்றமின் னு நிறைந்த உணவுகளை சேர்ப்பது அவசியமாகின்றது.
