1-5 வயது பிள்ளைகளுக்கான ஆரோக்கியமான வீட்டு சிற்றுண்டிகள்

1-5 வயது பிள்ளைகளுக்கான ஆரோக்கியமான வீட்டு சிற்றுண்டிகள்

Expert Stories | திருமதி.சஹன்யா அமரசேகர MHumNutr (Aus) RNutr(Aus) ஊட்டச்சத்து நிபுணர்

பெற்றோராக நாம் எமது பிள்ளைகளுக்கு முழு நிறைவான ஊட்டச்சத்து நிறைந்த உணவுகளை வழங்கவே எப்போதும் விரும்புகிறோம். ஆனாலும் பெற்றோர்களாக நாம் அதிக மன அழுத்தத்திற்கு ஆளாவதை விரும்பாததும் நேரமின்றி காணப்படுவதையும் காணக்கூடியதாக உள்ளது. சிற்றுண்டிகள் எங்கள் பிள்ளைகளின் நாளாந்த உட்கொள்ளலில் பெரும்பகுதியை உருவாக்குகின்றன. ஆதலால் பெற்றோரகளாகிய நாம் எங்கள் சிறு பிள்ளைகளுக்கு நாளாந்தம் என்ன விதமான ஊட்டச்சத்துக்கள் தேவை என்பதையும் எவ்வாறு ஆரோக்கியமான சிற்றுண்டிகளை வழங்கலாம் என்பதன் முக்கியத்துவத்தினையும் புரிந்துக்கொள்ளுதல் வேண்டும்.

நான் எப்போதும் பெற்றோர்களை அவர்களும் அவர்களது ஏனைய குடும்ப அங்கத்தவர்களும் நாளாந்த அடிப்படையில் விரும்பி உண்ணும் அதே உணவுகளை வழங்க ஊக்குவிக்கிறேன். உணவின் மீதான வெறுப்பினை தவிர்ப்பதற்கும் உணவின் மாறுப்பட்ட நிலைத்தன்மையினை உங்கள் சிறு பிள்ளைகள் வெளிப்படுத்துவதற்கு உதவுவதற்குமாக உணவானது வெவ்வேறு விதமான சுவைகள் மற்றும் வடிவமைப்புக்களில் இருப்பது அவசியமாகின்றது.வீட்டில் ஆரோக்கியமான சிற்றுண்டிகளை செய்யும் போது மேலதிகமான உப்பு மற்றும் சீனி சேர்ப்பதை குறைத்துக் கொள்ளவும். அல்லது நீங்கள் வேறு ஏதேனும் ஆரோக்கியமான மாற்றீடுகளை பாவிக்கலாம். உதாரணமாக சுத்திரிகரிக்கப்பட்ட வெள்ளைச் சீனிக்கு பதிலாக தேன் பயன்படுத்தலாம். (எஸ்.அமரேசேகர 2021)

நீங்கள் வீட்டில் மேற்கொள்ளும் ஆரோக்கியமான சிற்றுண்டிகள் பல்வகையானவற்றை உள்ளடக்கியிருத்தல் வேண்டும்.

  • முழு தானியங்கள்
  • புரதங்கள்
  • மரக்கறிகள் மற்றும் பழவகைகள்

1-3 வயதினருக்கு பொருத்தமான ஆரோக்கியமான சிற்றுண்டிகள் சில:

  • முழு தானிய சீரியல் அல்லது கல்சியம் மற்றும் நார்ச்சத்திற்கு சிறந்த ஆதாரமாக பாலுடன் ஓட்மீல்
  • மாட்டிறைச்சி, சிக்கன் அல்லது டோபு போன்ற சமைத்த புரதங்களின் சிறிய அளவு துண்டுகள் அல்லது மென்மையாக சமைக்கப்பட்டவை அல்லது வறுக்கப்பட்ட மரக்கறிகள் என்பன பல்வகையான புரதங்கள் மற்றும் நுண் ஊட்டச்சத்துக்களை வழங்குகின்றன.
  • சிறந்த கல்சியத்திற்கு ஆதாரமாக பால் அல்லது யோகட் சார்ந்த  சிறிய ஸ்மூதீஸ் .
  • கல்சியம் மற்றும் நுண் ஊட்டச்சத்துக்கள் நிறைந்த புத்தம் புதிய மென்மையான பழங்களுடன் பிளேன் யோகட்
  • நார்ச்சத்து மற்றும் கல்சியம் உயர்வாக உள்ள முழுமையான தானியங்களுடனான அரைத்த அல்லது சிறிய சீஸ் கியூப்ஸ்
  • புத்தம் புதிய பழங்களுடன் முழு தானிய  மஃபின். பிள்ளைகளிடத்தில் இந்த மஃபின்கள் கொஞ்சம் பிரபல்யமாக காணப்படுகின்றன. ஏனென்றால் அது “கேக்” போன்று காணப்படுவதால் ஆகும்.   ஆகவே இதை ஒரு நல்ல சந்தர்ப்பமாக பயன்படுத்தி  நிறைய பழங்கள் அல்லது மரக்கறிகளை பயன்படுத்தி ஸ்வீட் அல்லது சேவரி மஃபின்களை  செய்து கொடுக்கலாம்.
  • புரதங்கள் ,  ஆரோக்கியமான கொழுப்பு மற்றும் நாரச்சத்து போன்றவற்றிற்கு சிறந்த ஆதாரங்களாக முழு தானிய கிரக்கர்ஸ் மீது அல்லது முழு தானிய பாண் மீது சிறிதளவிலான பீநட் பட்டர் சேர்க்கலாம்.
  • உயர் ஆரோக்கியமான கொழுப்பு மற்றும் நார்ச்சத்து கொண்ட முழு தானிய கிரக்கர்ஸ் அல்லது முழு தானிய டோஸ்ட் மீது மசித்த அவகாடோவை சேர்க்கலாம்.
  • நீங்கள் தெரிவு செய்து பயன்படுத்தும் பழங்களுக்கு ஏற்ப பல்வகைப்பட்ட விட்டமின்கள் உயர் நலச்செழுமையினை கொண்ட யோகட் மற்றும் பழ பொப்சிகள்ஸ் அவர்களை மகிழ்விக்க கூடிய ஓர் ஆரோக்கியமான உபசாரம் ஆகும்.  சேகிட்டஸ் மற்றும் பெரீஸ் இதற்கு சிறந்த தெரிவாக நான் கருதுகிறேன்.
  • முழு தானிய பிட்டா பிரட் அல்லது வீட்டில் செய்த ரொட்டி மற்றும் பீன்  டிப்

3-5 வருடங்களுக்கு இடைப்பட்ட பிள்ளைகளுக்கான சில ஆரோக்கிய சிற்றுண்டிகள்:

  • முட்டை டூனா அல்லது சிக்கனுடன் சான்ட்விச் ஆரோக்கியமான இனிப்புகளாக சிறு துண்டுகளாக வெட்டப்பட்ட பழங்களையும் சேர்த்து பரிமாறலாம்.
  • ஹம்மஸ் முழு கோதுமை ரொட்டி மற்றும் டிப்பிங் தெரிவாக சமைக்கப்படாதா மரக்கறிகள்
  • சமைக்கப்பட்ட மீன் மற்றும் பட்டாணியுடன் பிறவுன் அல்லது முழு கோதுமை பஸ்தா இது சிறந்த புரோட்டீன் மற்றும் நார்ச்சத்து நிறைந்த உணவாகும்
  • முழு தானிய பான்கேக்ஸ் அல்லது பட்டர் தேன் அல்லது பழங்கள் மெலிதாக பூசப்பட்ட வஃபல்ஸ்
  • மினி ஆம்லெட்டுகள் அல்லது துருவிய முட்டைகள் உங்கள் பிள்ளைகளுக்கு மரக்கறிகளை மறைக்க வேண்டும் என நீங்கள் எண்ணினால் இது ஓர் நல்ல தெரிவாகும். உங்கள் பிள்ளை இன்னும் பசியாக இருந்தால் சிறிய துண்டு முழு தானிய டோஸ்ட் பசியை போக்க துணையாகும்.   
  • சமைத்த டோபு துண்டுகள் சக்கரை வள்ளிக்கிழங்குகள் மற்றும் முழு தானிய பஸ்தா.
  • பீன்ஸ்அல்லது அரைத்த இறைச்சி உடன் முழு தானிய டோடில்லாஸ் மற்றும் சுவைக்காக சில புத்தம் புதிய தக்காளிப் பழங்கள் அல்லது தக்காளி பேஸ்ட் சேர்க்கலாம்.
  • முழு தானிய மெக்ரோனி மற்றும் சீஸ் . சக்திக்காக கல்சியம்,  நார்ச்சத்து மற்றும் காபோவைதரேட்ஸ் நிறைந்து காணப்படும் இதில் மேலும் உங்களுக்கு டூனா மற்றும் பட்டாணிகளை மேலதிக புரோட்டீன்களுக்கு சேர்க்கலாம்.
  • தக்காளி அல்லது இறைச்சி சோஸ் உடன் முழு தானிய பஸ்தா
  • சிக்கன் , மாட்டிறைச்சி , பன்றி இறைச்சி அல்லது டோபு துண்டுகளை மென்மையாக சமைக்கப்பட்ட காய்கறிகள் மற்றும் ஒரு கரண்டி நிரம்பிய சிகப்பு அரிசி சோறுடன் பரிமாறலாம்.
  • சொப்ட் டகோ அல்லது முழு தானிய டோஸ்ட் உடன் வேகவைத்த பீன்ஸ்
  • மரக்கறிகளுடன் வீட்டில் செய்யப்பட்ட மினி பீட்சா மற்றும் உங்கள் விருப்பத்திற்கிணங்க ஓர் புரத இறைச்சி

ஆரோக்கியமான முறையில் வீட்டில் செய்யப்பட்ட சிற்றுண்டிகள் நாளிற்கு தேவையான ஊட்டச்சத்து தேவையினை நிவர்த்தி செய்துக் கொள்ள சிறந்த முறையாகும்.  நிறையுணவாகவும் அவர்களுக்கு சாப்பிட ஆர்வமூட்டும் விதத்திலும் மிகவும் எளிய முறையில் தயார் செய்துக் கொள்ளுங்கள்.