Sorry, you need to enable JavaScript to visit this website.

உங்கள் குழந்தைக்கு நன்றியுணர்வுடன் வாழக் கற்றுக்கொடுங்கள்

Nimali Buthpitiya

குழந்தைக்குள் நன்றியுணர்வு மற்றும் மரியாதை உணர்வை வளர்ப்பதில் பெற்றோருக்கு மிகப்பெரிய பொறுப்பு உள்ளது என்ற கருத்தை நாம் அனைவரும் ஏற்றுக்கொள்கிறோம். ஏனைய குணாதிசயங்களைப் போலவே, குழந்தைகளின் வாழ்க்கையின் ஆரம்ப கட்டத்தில் இருந்தே இவ்விரண்டு முக்கியமான குணங்களைப் பயிற்றுவிக்க பெற்றோர்கள் செயலில் ஈடுபடுவது அவசியமாகின்றது. நித்திய மகிழ்ச்சியையும் நேர்மறையான அணுகுமுறைகளையும் உருவாக்கும் நன்றியுணர்வு மற்றும் மரியாதை உணர்வு ஆகியவை  ஒருவரின் குணங்களுக்கிடையில்  மிகவும் பாராட்டப்பட்ட வேண்டிய குணங்கள்ஆகும்!

 

இந்த இரண்டு விலைமதிப்பற்ற குணங்களை உங்கள் குழந்தைகளிடம் நாம் புகுத்துவதற்கான வழிகளைப் பார்ப்போம்..

சிறு வயதிலிருந்தே, உங்கள் பிள்ளை அவர்கள் கையாளும் பொருட்களில் மென்மையாகவும் அக்கறையுடனும் இருக்க ஊக்குவியுங்கள். சில குழந்தைகள் மிகவும் சுறுசுறுப்பாகத் தோன்றலாம், எனவே அவர்கள் பயன்படுத்தும் பொருட்களை உடைக்கவோ அல்லது தூக்கி எறியவோ முனைகிறார்கள். பெற்றோர்கள் அவர்களுடன் அமர்ந்து பொருட்களைக் கவனமாகக் கையாள்வதற்கு பொருத்தமான வழியை முன்மாதிரியாகக் கொண்டு அப்பழக்கத்தை மாற்ற முயற்சி செய்யலாம். மிக முக்கியமாக, அவர்கள் சில முன்னேற்றங்களைக் காட்டத் தொடங்கும் போது அவர்களைப் பாராட்ட மறக்காதீர்கள்.

குழந்தைகள் ஒரு சுப்பர் மாக்கட் அல்லது சொப்பிங் மோல் ஒன்றிற்குள் நுழையும்போது, ​​அவர்கள் பார்க்கும் அனைத்தையும் வீட்டில் அடுக்கி  வைத்திருக்க வேண்டும் என எதிர்பார்க்கிறார்கள். பணத்தினது எல்லைகளை மற்றும் செலவுகளுக்கு முன்னுரிமை அளிப்பதன் அவசியத்தை அவர்கள் அறிந்திருக்காததே இதற்குக் காரணம் ஆகும். இந்த புரிதலை உங்கள் குழந்தைக்கு வளர்க்க உதவுவது உங்களின் பொறுப்பாகும். எனவே, அவர்கள் விரும்பும் அனைத்தையும் நீங்கள் வாங்க முடிந்தாலும், விட்டுக் கொடுப்பதன்

மூலம் ஒன்றை மட்டும் தேர்ந்தெடுக்கும்படி அவர்களிடம் கேட்குமாறு நான் பரிந்துரைக்கிறேன். இது அவர்களை வாழ்க்கையில் கருத்தாக்கம் அல்லது முன்னுரிமை அளிக்கும் விஷயங்களைக் கற்றுக் கொள்ளச் செய்யும், மேலும் வாழ்க்iயில் அவர்களிடம் உள்ளவற்றின் மதிப்பறிந்து பொக்கிஷமாக பேண தொடங்குவர்.

 

மேலும், அவர்கள் தங்கள் உடைமைகளைப் பற்றி அக்கறை கொள்ளச் செய்யும் வகையில், பெற்றோராக, அவர்களின் பாக்கெட் பணத்தில் அவர்களுக்காக நீங்கள் செய்யும் சிறிய கொள்முதல்களில் பங்களிக்க அவர்களுக்கும் நீங்கள் வாய்ப்பளிக்கலாம். இவ்வாறு பங்களிப்புச் செய்ய கேட்பது உங்களுக்கு நிதி ரீதியாக எந்தச் சேமிப்பையும் கொண்டு வராது, ஆனால் எந்தவொரு கொள்வனவிலும் முதலீடு சம்பந்தப்பட்டிருப்பதை அவர்கள் உணர இது உதவும்.

 

ஒரு குடும்பமாக, ஒருவருக்கொருவர் நன்றி தெரிவிக்கும் விதியைக் கொண்டிருப்பது, மற்றவர்களுக்கு நன்றியை வெளிப்படுத்த உங்கள் குழந்தைக்கு நீங்கள் கற்பிக்கக்கூடிய மற்றொரு வழியாகும். நன்றி என்பது அனைவருக்கும் மகிழ்ச்சியைத் தரக்கூடிய ஒரு சொல். உணவைத் தயாரித்ததற்கு நன்றி, பிறந்தநாள் பரிசுகளுக்கு நண்பர்களுக்கு நன்றி, அவர்கள் பெறும் சிறிய பாராட்டுக்களுக்கு நன்றி அல்லது யாராவது அவர்களுக்கு உதவி செய்தால் நன்றி கூறுவது என இவ்வாறு அவர்களுக்கு கிடைத்த ஆசிர்வதிக்கப்பட்ட நபர்கள் மற்றும் பொருட்களுக்கும் நன்றியுள்ளவர்களாக இருக்க வேண்டும் என்று அவர்களுக்குக் கற்பித்தல் அவசியம்.

 

நன்றி சொல்லும் பழக்கத்தைப் பொறுத்தவரை, குழந்தைகள் உணர வேண்டிய ஒரு முக்கியமான விஷயம் என்னவென்றால், நீங்கள் நன்றி சொல்லப் போகின்ற விடயத்தின் பெறுமதிக்கும்; அதற்ம் எவ்விததொடர்பும் இல்லை. ஒருவரிடமிருந்து கிடைக்கும் பிறந்தநாள் பரிசு நீங்கள் எதிர்பார்த்த பரிசாக இல்லையெனினும்  அல்லது அது உங்கள் குழந்தைக்கு எந்தப் பயனும் இல்லை என்றாலும், 'நன்றி' என்று கூறும் நபருக்கு பணிவாகப் பதிலளிக்க அவர்களுக்குப் பயிற்சி அளிக்கப்பட வேண்டும். அவர்கள் உணர்ந்து கொள்ள வேண்டியது என்னவென்றால், நன்றியுணர்வு என்பது அவர்கள் பெறும் பொருளின் மதிப்பைப் பொறுத்தது அல்ல, மாறாக செயலின் மதிப்பையும் அதன் பின்னால் உள்ள நோக்கத்தையும் பொறுத்தது என்பதே. இப்படிச் சிந்திக்கவும் செயல்படவும் குழந்தைகளுக்குப் பயிற்சி அளித்துப் பயிற்றுவித்தால், தங்களிடம் இருக்கும் சின்னச் சின்ன விஷயங்களில் கூட அவர்கள் வாழ்க்கையின் அழகைப் பார்க்கத் தொடங்குவார்கள்.

 

உங்கள் இன்றைய வாழ்க்கையில் எப்போதும் இந்த மதிப்புகளுக்கு முன்மாதிரியாக இருங்கள், கண் தொடர்புகளைப் மேற்கொண்டு, புன்னகைத்து, அவர்களின் அன்றாட வாழ்க்கையில் அவர்கள் நன்றி சொல்ல வேண்டிய அனைத்து பெரிய மற்றும் சிறிய விஷயங்களுக்கும் தனிப்பட்ட முறையில் 'நன்றி' சொல்ல அவர்களுக்குப் பயிற்சிக் கொடுங்கள்.

 

இறுதியாக, இந்த பணி அனைத்து பெற்றோருக்கும் ஓரளவு சவாலானது என்பதைக் குறிப்பிடுவது அவசியம். குறிப்பாக விலையுயர்ந்த மற்றும் மதிப்புமிக்க நவீன கேஜெட்களைப் வைத்திருக்கும் குழந்தைகளுடன் உங்களுக்கு நண்பர்கள் மற்றும் குடும்ப உறவுகள் இருக்கும்போது, ​​அவர்கள் உங்களுக்கும் உங்கள் குழந்தைக்கும் அழுத்தம் கொடுக்கிறார்கள். ஒரு குடும்பமாக உங்களுக்கு மிக முக்கியமானது மற்றவர்களை மகிழ்விப்பதல்ல, ஆனால் உங்கள் குழந்தைகளை சரியான முறையில் வளர்ப்பதற்கு உங்கள் குடும்பத்திற்குள் அந்த முக்கியமான மதிப்புகளைப் பேணுவது என்பதை நீங்களே நினைவுபடுத்துவது நல்லது. எனவே, சில சமயங்களில் பெற்றோர்கள் அன்புக்குரியவர்களுடன் மிகவும் உறுதியாக இருக்க வேண்டியிருக்கும், அத்தோடு நீங்கள் ஒரு குடும்பமாக நீங்கள் எதைச் சாதிக்க விரும்புகிறீர்களோ அதற்காக அவர்களின் ஆதரவினையும் பெற முயற்சி செய்யுங்கள்.

 

 

குறிப்புகள்

உங்கள் செயல்கள் மற்றும் வார்த்தைகள் மூலம் நன்றியுணர்வு மனப்பான்மையை முன்மாதிரியாகக் கொள்ளுங்கள்.

வாழ்க்கையில் பெரிய மற்றும் சிறிய விடயங்கள் இரண்டையும் பாராட்ட குழந்தைகளுக்கு உதவுங்கள்.

'நன்றி' என்று சொல்லும்போது, ​​அந்த நபரின் கண்களைப் பார்க்க அவர்களுக்குப் பயிற்சி அளியுங்கள்.

தகுந்த நேரம் வரும்போது அவர்களுக்குக் கொடுப்பதற்காக அவர்கள் பெறும் கூடுதல் பரிசுகள் அனைத்தையும் பாதுகாப்பாக சேமித்து வையுங்கள்.

அவர்களுக்கு சொந்தமான இயற்பியல் பொருட்களைக் கவனமாகக் கையாள்வதற்கான பொருத்தமான வழிமுறைகளை மாதிரியாகக் கொள்ளுங்கள்.

Recommended Articles